Begaj takohet me Borrellin: Zbatimi i marrëveshjes Kosovë-Serbi dhe rikthimi në dialog, garanci për sigurinë në rajon

21:50 | 19 Shtator 2023
E.H

Presidenti i Shqipërisë, Bajram Begaj ka takuar sot Përfaqësuesin e Lartë i BE-së, Josep Borrell të cilin e falënderoi për mbështetjen ndaj Shqipërisë.

Me anë të një postimi në Facebook, Begaj ka thënë se zbatimi i marrëveshjes Kosovë-Serbi dhe rikthimi te dialogu midis dy vendeve është garanci për sigurinë në rajon, shkruan Arbresh.info.

“Me Përfaqësuesin e Lartë të Politikës së Jashtme dhe me Zv. Presidentin e Komisionit Evropian, Josep Borrell. E falënderova për mbështetjen e tij dhe të Komisionit për Integrimin Evropian të Shqipërisë, si dhe për vëmendjen ndaj Ballkanit Perëndimor. Zbatimi i marrëveshjes Kosovë-Serbi dhe rikthimi te dialogu midis dy vendeve është garanci për sigurinë në rajon. E ardhmja e Ballkanit Perëndimor është në BE”, ka shkruar Begaj./Arbresh.info